Tækniþættir

2,5 GB Vefsvæði. Með vefhýsingu atvinnumannsins færðu mjög stórt vefsvæði til að geyma skjöl, tölvupóst, myndir, vídeó eða hvað sem þig lystir.

4 GB Vefumferð. Þú færð 4 GB fría vefumferð á hverjum mánuði til þess að senda og taka á móti tölvupósti, hlaða upp skjölum þínum og niður, myndum og vídeóum og birta innihald vefsíðu þinnar fyrir gesti þína.

Tæknileg aðstoð. Í gegnum stjórnborðið hefur þú aðgang að þekkingargrunni okkar, sem býður upp á svör við algengustu spurningunum og lausn á þeim vandamálum sem upp kunna að koma. Ef þú einhverra hluta vegna ert skilin(n) eftir með ósvaraðar spurningar í huga, bjóðum við upp á ótakmarkaða aðstoð í gegnum fyrirspurnakerfi okkar á netinu. Öllum fyrirspurnum um aðstoð verður svarað innan 24 tíma.

Tölvupóstur

Í tölvunni. Á netinu. Hýsingarpakkanum fylgir aðgangur að vefpóstkerfi okkar sem gerir þér kleift að taka á móti tölvupósti í vefskoðara þínum. Þú getur líka notað uppáhalds tölvupóstforritið þitt í tölvunni þinni.

IMAP. Ólíkt flestum öðrum tölvupóstþjónustum býður Íshús Media upp á tölvupóst sem styðst við IMAP staðalinn, sem þýðir að það er sama hvar þú skoðar tölvupóstinn þinn, hann er alltaf samstilltur. Segjum sem svo að þú lesir póstinn þinn og eyðir nokkrum skilaboðum í vefpóstkerfinu. Síðan þegar þú skoðar póstinn aftur í tölvunni þinni sérðu að skilaboð sem þú hefur lesið eru merkt lesin, eydd skjöl haldast eydd og vistuð uppköst eru á réttum stað.

Stjórnun tölvupósts. Stjórnun tölvupósts gefur þér fullt umráð yfir tölvupósti þínum með einum smelli þar sem þú getur búið til og eytt tölvupóstföngum, stjórnað áframsendingum, póstlistum og sjálfvirkri svörun pósts. Með vefhýsingu atvinnumannsins færðu 50 póstföng, 50 sjálfvirkar svaranir pósts, 10 póstlista og ótakmarkaða áframsendingu tölvupósts.